جيىنعا «ادام قۇقىقتارىن قورعاۋ سالاسىنداعى كونستيتۋتسيالىق جاڭاشىلدىقتار: جاڭا تەتىكتەر مەن كەپىلدىكتەر» تاقىرىبى ارقاۋ بولدى. تالقىلاۋعا ينستيتۋت باسشىلىعى, جەتەكشى عىلىمي قىزمەتكەرلەر, سونداي-اق بەدەلدى قۇقىقتانۋشىلار مەن كونستيتۋتسيالىق قۇقىق سالاسىنىڭ ماماندارى قاتىستى.
كەزدەسۋ جاڭا كونستيتۋتسيا جوباسىن تالداۋعا ارنالعان اشىق پىكىرتالاس فورماتىندا ءوتتى. قاتىسۋشىلار ساياسي-قۇقىقتىق ينستيتۋتتاردىڭ ترانسفورماتسياسىن جانە ەلدىڭ نەگىزگى زاڭىنداعى قۇقىق قورعاۋ تەتىكتەرىنىڭ ءرولىن كۇشەيتۋدى جان-جاقتى قاراستىردى.
قوعامدىق كەڭەس مۇشەلەرى جاڭا كونستيتۋتسيا جوباسىن تالقىلايدى
ساراپشىلار قاۋىمداستىعى الدىندا ءسوز سويلەگەن مارات باشيموۆ قۇقىقتىق جۇيەنى ىزگىلەندىرۋگە ەرەكشە نازار اۋداردى.
«جاڭا كونستيتۋتسيا جوباسى − ەڭ الدىمەن, ازاماتتىڭ مۇددەسىن قورعاۋعا باعىتتالعان تىكەلەي قولدانىلاتىن قۇجات. ءبىز كونستيتۋتسيالىق نورمالاردىڭ ساپالى ەۆوليۋتسياسىن كورىپ وتىرمىز», دەدى ول.
كەزدەسۋ بارىسىندا ينستيتۋت ساراپشىلارى مەن دەپۋتات جاڭا كونستيتۋتسيالىق نورمالاردى قولدانىستاعى زاڭناماعا ەنگىزۋدىڭ پراكتيكالىق اسپەكتىلەرىن تالقىلادى. اكىمشىلىك ادىلەتتىلىكتى جەتىلدىرۋ, قۇقىق ۇستەمدىگىن قامتاماسىز ەتۋ جانە ازاماتتىق قوعامنىڭ مەملەكەتتىك ورگاندارمەن ءوزارا ءىس-قيمىلى ماسەلەلەرى كوتەرىلدى.
ەلىمىزدىڭ ونەركاسىپتىك كاسىپورىندارى جاڭا كونستيتۋتسيا جوباسىن قولدادى
ينستيتۋت ديرەكتورى ينديرا اۋباكىروۆا زاڭ شىعارۋ ۇدەرىسىن ىرگەلى عىلىممەن ۇيلەستىرۋدىڭ ماڭىزدىلىعىن اتاپ ءوتتى.
«پارلامەنت دەپۋتاتتارىنىڭ ءبىزدىڭ ينستيتۋت الاڭىنداعى ساراپتامالىق تالقىلاۋلارعا قاتىسۋى ۇسىنىلىپ وتىرعان جاڭالىقتارعا تەرەڭ قۇقىقتىق دياگنوستيكا جۇرگىزۋگە مۇمكىندىك بەرەدى. مارات سوۆەت ۇلىنىڭ عالىم ءارى پراكتيك-پارلامەنتاري رەتىندەگى تاجىريبەسى زاڭنامانى جەتىلدىرۋ بويىنشا ساپالى ۇسىنىمدارىنا باعا جەتپەيدى», دەدى ينديرا اۋباكىروۆا.
كەزدەسۋ قورىتىندىسى بويىنشا قاتىسۋشىلار ۇسىنىلىپ وتىرعان كونستيتۋتسيالىق رەفورمالار ادام قۇقىقتارى سالاسىنداعى زاماناۋي سىن-قاتەرلەر مەن حالىقارالىق ستاندارتتارعا ساي كەلەدى دەگەن ورتاق پىكىرگە كەلدى.
